Ar 3 Ebrill, daeth dros gant bobl ynghyd yn y Senedd i ddathlu pa mor bell y mae Cymru wedi dod ar ei thaith i fod yn \u2018genedl noddfa\u2019. Roedd y rheiny \u00e2 fynychodd yn cynnwys Aelodau\u2019r Cynulliad, uwch weithwyr iechyd proffesiynol, cynrychiolwyr y trydydd sector, pobl sydd yn ceisio noddfa a gwirfoddolwyr sydd yn gysylltiedig \u00e2 mentrau croeso lleol.<\/p>\n\n\n\n
Mae\u2019r weledigaeth o Gymru fel \u2018cenedl noddfa\u2019 yn un o wlad lle mae pobl sydd yn ceisio noddfa yn canfod pobl sy\u2019n eu croesawu, yn deall pam y maent yma, yn eu cefnogi ac yn bwysicach, yn eu cynnwys fel cyfranogwyr, gwirfoddolwyr ac aelodau, ble bynnag y byddant yn mynd.<\/p>\n\n\n\n
Yn ogystal \u00e2 phedair ardal lledaenu lloches (Caerdydd, Casnewydd, Abertawe a Wrecsam) mae pob awdurdod lleol yng Nghymru bellach wedi adsefydlu teuluoedd sydd wedi ffoi o Syria. Mae gan Gymru sawl\u00a0dinas noddfa<\/a> (saesneg yn unig)\u00a0gydnabyddedig, yn cynnwys Abertawe, Caerdydd a Wrecsam, gyda\u2019r nod o fod yn \u2018fannau croesawgar o ddiogelwch i bawb\u2019, ac yn arbennig \u2018yn falch o gynnig noddfa i bobl sydd yn ffoi rhag trais ac erledigaeth\u2019. Mae grwpiau noddfa lleol dirifedi eraill yn gweithio gyda sefydliadau fel ysgolion, prifysgolion, amgueddfeydd a hyd yn oed \u2018Siop Noddfa\u2019. Mae mentrau newydd i greu mannau noddfa lleol yn ymddangos drwy\u2019r amser.<\/p>\n\n\n\n Dangosodd y digwyddiad Noddfa yn y Senedd, wedi ei gydlynu gan Glyblaid Ffoaduriaid Cymru, a\u2019i gyflwyno mewn partneraieth ag Iechyd Cyhoeddus Cymru Cymru Well Wales, Llywodraeth Cymru a Chymdeithas Llywodraeth Leol Cymru, y ffordd y mae Cymru\u2019n cefnogi\u2019r gwaith o integreiddio ceiswyr noddfa waeth sut gwnaethant gyrraedd y wlad nac o ble y maent wedi dod.<\/p>\n\n\n\n Cyflwynwyd yr adroddiad Profiadau Iechyd Ceiswyr Lloches a Ffoaduriaid yng Nghymru<\/em><\/a> gan Dr Gill Richardson (Iechyd Cyhoeddus Cymru) a Dr Ashra Khanom (Prifysgol Abertawe). Mae\u2019r adroddiad yn dangos cyfraniad gwasanaethau iechyd, yn arbennig gwasanaethau nyrsio ceiswyr lloches, tuag at lwyddiant yn integreiddio a chefnogi pobl sydd yn ceisio noddfa yng Nghymru.<\/p>\n\n\n\n Derbyniodd Prif Weinidog Cymru, Mark Drakeford AC, y \u2018map Cenedl Noddfa\u2019 (llun), a gr\u00ebwyd yn ystod yr Eisteddfod Genedlaethol y llynedd gyda negeseuon o groeso yn Gymraeg ac ieithoedd eraill, gan Jose Cifuentes, ffoadur gwleidyddol o Chile.<\/p>\n\n\n\n Gan siarad yn y digwyddiad, dathlodd Jane Hutt, Dirprwy Weinidog a Phrif Chwip, ddyfodiad dros 1000 o ffoaduriaid i Gymru trwy raglenni adsefydlu a diolchodd i\u2019r partneriaid sydd wedi gwneud hyn yn llwyddiant.<\/p>\n\n\n\n Dywedodd: \u201cY prawf heddiw yw dysgu oddi wrth ein gilydd yr hyn y gellir ei wneud i wella cymorth ar gyfer pobl sydd yn ceisio noddfa yng Nghymru. Yr hyn sy\u2019n ein huno yw dymuniad i wella\u2019r ffordd yr ydym yn gwneud pethau. Mae dod yn Genedl Noddfa yn gyfrifoldeb i bawb yng Nghymru.\u201d<\/em><\/p>\n\n\n\n Mae Cenedl Noddfa \u2013 Cynllun Ffoaduriaid a Cheiswyr Lloches<\/a><\/em> Llywodraeth Cymru, yn nodi nifer o gamau y mae Llywodraeth Cymru wedi ymrwymo iddynt, fydd yn gwella\u2019r cymorth i bobl sydd yn ceisio noddfa yng Nghymru. Cyflwynwyd y Cynllun trwy ymgynghoriad gyda thros 100 o bobl sydd yn ceisio noddfa a llawer o sefydliadau sydd yn gweithio\u2019n uniongyrchol ac yn anuniongyrchol gyda\u2019r gr\u0175p hwn. Mae\u2019r camau\u2019n ymwneud ag iechyd yn cynnwys lleihau\u2019r rhwystrau i ofal iechyd ar gyfer ceiswyr lloches a ffoaduriaid, sefydlu mecanweithiau i hybu rhannu arfer da ar gyfer canlyniadau iechyd gwell ar gyfer pobl sydd yn ceisio noddfa a lleihau mynychder cyflyrau iechyd meddwl ymysg y gr\u0175p hwn. Dywedodd Dr Gill Richardson, Cyfarwyddwr Cynorthwyol Polisi, Ymchwil a Datblygu Rhyngwladol yn Iechyd Cyhoeddus Cymru: Roedd y digwyddiad hefyd yn gyfle i fynychwyr ymgysylltu ag ymgyrch ymwybyddiaeth y cyhoedd yn ymwneud \u00e2 Phrofiadau Niweidiol yn Ystod Plentyndod (ACE) a chanfod mwy am y ffordd y gallai pobl sydd yn ceisio noddfa gael eu cefnogi\u2019n well trwy bolisi ac ymarfer sy\u2019n wybodus am drawma. Cyhoeddodd Cyfawyddwr Hyb Cymorth ACE y byddant yn gweithio gyda Clearsprings Ready Homes, y darparwr llety yng Nghymru ar gyfer y rheiny sydd yn aros am ganlyniad eu cais am loches, i gyflwyno hyfforddiant ymwybyddiaeth o drawma i staff sydd yn gweithio gyda cheiswyr lloches.<\/p>\n\n\n\n Yn dilyn y digwyddiad hwn, bydd Iechyd Cyhoeddus Cymru yn rhoi cyfle i weithwyr iechyd proffesiynol glywed mwy am adroddiad Profiadau Iechyd Ceiswyr Lloches a Ffoaduriaid<\/em> ac yn trafod y camau nesaf mewn digwyddiad rhanddeilliaid ar Ddydd Mercher 22 Mai. Bydd mwy o fanylion ar gael maes o law \u2013 i gofrestru eich diddordeb, anfonwch ebost at Rebecca Scott yn rebecca.scott2@wales.nhs.uk.<\/p>\n\n\n\n
Mae argymhellion adroddiad Profiadau Iechyd Ceiswyr Lloches a Ffoaduriaid yng Nghymru<\/em> yn cefnogi\u2019r camau yn y Cynllun hwn, gydag argymhellion penodol ar lythrennedd iechyd, iechyd meddwl a gweithio\u2019n gydweithredol. Mae Iechyd Cyhoeddus Cymru eisoes wedi dechrau datblygu modiwl e-ddysgu ar gyfer staff GIG Cymru, gan ymateb i\u2019r canfyddiad y byddai hyfforddi gweithwyr iechyd proffesiynol ar y materion cymdeithasol a chyfreithiol sy\u2019n effeithio ar bobl sydd yn ceisio noddfa yn gwella\u2019r cymorth ar gyfer pobl sydd yn ceisio noddfa mewn lleoliadau iechyd a llesiant.<\/p>\n\n\n\n
\u201cMae iechyd a llesiant yn rhan hanfodol o Gynllun Cenedl Noddfa Llywodraeth Cymru. Gwyddom o\u2019n hadroddiad, <\/em>Profiadau Iechyd Ceiswyr Lloches a Ffoaduriaid yng Nghymru, fod pobl sydd yn ceisio noddfa yn wynebu llawer o heriau o ran cael iechyd da a mynediad at ofal iechyd. Mae gweithwyr proffesiynol yn y sector iechyd yng Nghymru wedi ymrwymo i fynd i\u2019r afael \u00e2\u2019r heriau hyn er mwyn sicrhau bod pobl sydd yn ceisio noddfa yn cael yr un cyfleoedd i gael iechyd da \u00e2 phobl eraill yng Nghymru, ond rydym yn cydnabod bod gwaith i\u2019w wneud o hyd ar hyn.\u2019<\/em><\/p>\n\n\n\n