Iechyd Rhyngwladol

Rydym yn ffocysu ar wneud y gorau o ddysgu o bolisi, ymarfer ac ymchwil rhyngwladol i gefnogi arloesedd iechyd y cyhoedd, datblygu synergeddau a gwella cyfleoedd gyda’r bwriad o greu pobl a sefydliadau ar draws y GIG sy’n gyfrifol ar lefel fyd-eang ac sy’n edrych tuag allan.

Llwyddiant sylweddol, sy’n cael ei alluogi gan y tîm, yw Memorandwm Cyd-ddealltwriaeth rhwng Cymru a Swyddfa Ranbarthol Sefydliad Iechyd y Byd ar gyfer Ewrop ym meysydd tegwch iechyd, buddsoddiad mewn iechyd a lles, datblygiad cynaliadwy a ffyniant i bawb.

Mae ffrydiau gwaith allweddol ym mhortffolio’r Tîm Iechyd Rhyngwladol yn cynnwys:

• Menter Adroddiad Statws Tegwch Iechyd Cymru a Phlatfform Datrysiadau, sy’n cymhwyso fframwaith arloesol Sefydliad Iechyd y Byd a methodoleg flaengar, gan ategu rôl Cymru fel dylanwadwr a safle arloesi byw ar gyfer tegwch iechyd yn Ewrop ac yn fyd-eang
• Prosiectau Dangos Gwerth, sy’n amlygu gwerth cymdeithasol ac economaidd gwasanaethau ac ymyriadau iechyd y cyhoedd i lywio blaenoriaethau buddsoddi yng Nghymru a thu hwnt
• Dysgu a Sganio’r Gorwel Rhyngwladol, sy’n cynhyrchu gwybodaeth y gellir gweithredu arni i lywio ymateb iechyd y cyhoeddus ac adferiad yng Nghymru
• Mae’r Ganolfan Cydlynu Iechyd Rhyngwladol (IHCC), yn dwyn ynghyd yr holl Fyrddau Iechyd ac Ymddiriedolaethau’r GIG. Mae’n hyrwyddo ac yn hwyluso partneriaethau iechyd rhyngwladol, gan weithredu fel canolbwynt ar gyfer rhannu gwybodaeth, cyfnewid gwybodaeth, cydweithio a rhwydweithio ledled y DU, Ewrop a’r byd
• Strategaeth Iechyd Rhyngwladol Iechyd Cyhoeddus Cymru 2023-35, sy’n galluogi Strategaeth Tymor Hir newydd Iechyd Cyhoeddus Cymru drwy chwe gweithgaredd gan gynnwys Fforwm Iechyd Rhyngwladol a chylchlythyr chwarterol