Mae’r adroddiad cryno hwn yn cyflwyno canfyddiadau allweddol ymchwil helaeth a wnaed gyda Heddlu De Cymru i ddeall y galw o ran bregusrwydd. Mae’r adroddiad hwn yn cryfhau’r achos dros y ffordd y gall plismona fod yn fwy effeithiol o ran atal problemau cyn iddynt waethygu trwy ymagwedd gynaliadwy a hirdymor.
Mae Strategaeth Iechyd Rhyngwladol Iechyd Cyhoeddus Cymru yn cefnogi cyflawni ein rôl genedlaethol, ein blaenoriaethau strategol a’n hamcanion lles yn llwyddiannus. Mae proses ymgynghori eang, wedi ei hategu gan adolygiad llenyddiaeth a mapio gwaith rhyngwladol a chydweithio ar draws y sefydliad, wedi ein galluogi i nodi tair blaenoriaeth strategol a chwe amcan strategol ar gyfer y deng mlynedd nesaf.
Pecyn Cymorth Polisi ar gyfer Atal Trais Rhyngbersonol, Ar y Cyd ac Eithafol
Mae’r ddogfen hon yn rhoi trosolwg o’r dystiolaeth gyfredol [Mawrth 2017] sy’n ymwneud â darparu Proffylacsis Cyn Cyswllt (PrEP) ar gyfer atal HIV, gan gynnwys adolygiad helaeth o’r dystiolaeth sydd ar gael ar gyfer agweddau penodol ar y pwnc, dadansoddi treialon clinigol, y polisi, cyd-destun rheoliadol a deddfwriaethol, a safbwyntiau byd-eang. Roedd y ddogfen hon yn allweddol yn y penderfyniad i ddarparu PrEP yng Nghymru
Mae’r adroddiad gwerthuso hwn yn amlinellu canlyniadau’r peilot o gyrsiau Hyfforddi Dinasyddiaeth Fyd-eang i weithwyr iechyd proffesiynol GIG Cymru. Mae’r cynlluniau peilot yn adeiladu ar holiadur cwmpasu o 2015 lle y canfuwyd bod diddordeb amlwg mewn hyfforddiant o’r fath. Gweithiodd yr IHCC ar y cyd â WCIA i ddatblygu a threialu cyrsiau hyfforddi Dinasyddiaeth Fyd-eang mewn partneriaeth â Bwrdd Iechyd Prifysgol Cwm Taf fel rhan o’u hymgysylltiad rhyngwladol o dan y Siarter ar gyfer Partneriaethau Iechyd Rhyngwladol (Saesnyg yn unig).
Briff ar integreiddio cynllunio ac iechyd y cyhoedd ar gyfer ymarferwyr sy’n gweithio mewn awdurdodau cynllunio lleol a sefydliadau iechyd yng Nghymru.
Nod yr adroddiad hwn yw archwilio’r berthynas rhwng ACE a datblygu clefydau cronig a’r defnydd o ofal iechyd gan oedolion yng Nghymru.
Yn rhyngwladol, cydnabyddir yn gynyddol y niwed y gall defnydd unigolyn o alcohol ei achosi i’r rhai o’u hamgylch (y cyfeirir atynt fel niwed yn sgîl pobl eraill yn yfed alcohol). O ganlyniad, mae ymchwil i’r mater hwn wedi dechrau dod i’r amlwg gan dynnu sylw at natur, graddfa a chost niwed yn sgîl pobl eraill yn yfed alcohol ar draws poblogaethau amrywiol.
Mae’r adroddiad hwn yn cynnig tystiolaeth ymchwil a barn arbenigol i gefnogi atal afiechyd a lleihau anghydraddoldebau er mwyn sicrhau economi gynaliadwy, cymdeithas ffyniannus a’r iechyd a’r lles gorau posibl ar gyfer y genhedlaeth bresennol a chenedlaethau’r dyfodol yng Nghymru.
Dyma’r trydydd mewn cyfres o adroddiadau sy’n edrych ar nifer yr achosion o Brofiadau Niweidiol yn ystod Plentyndod (ACE) ym mhoblogaeth oedolion Cymru a’u heffaith ar iechyd a lles ar draws cwrs bywyd.
Diben yr Ymweliad Astudio hwn oedd rhoi cyfle i rannu syniadau ac ymagweddau ymarferol tuag at gysylltu’r agenda datblygu cynaliadwy ac iechyd a lles y boblogaeth ar draws cyd-destunau strategol a gweithredol.
Y catalog ariannu hwn yw’r cyntaf mewn cyfres o ddeunyddiau gwybodaeth i gysylltu cyfleoedd ariannu allweddol yr Undeb Ewropeaidd (UE) â blaenoriaethau iechyd a lles Cymru.
Dyma un mewn cyfres o adroddiadau sy’n edrych ar nifer yr achosion o Brofiadau Niweidiol yn ystod Plentyndod (ACE) ym mhoblogaeth oedolion Cymru a’u heffaith ar iechyd a lles ar draws y cwrs bywyd.
Diweddariad ar gynnydd yr IHCC ar gyfer y cyfnod 2013-2015
Strategaeth Iechyd y Cyhoedd ar gyfer y cyfnod 2015 i 2018
Mae’r IHCC yn deillio o ddogfen Llywodraeth Cymru ‘Iechyd yng Nghymru a Thu Hwnt i’w Ffiniau: Fframwaith ar gyfer cysylltu’n rhyngwladol ym maes iechyd’, a gyhoeddwyd ym mis Mehefin 2012
Dyma un mewn cyfres o adroddiadau byr sy’n archwilio’r achos dros fuddsoddi mewn gweithgareddau ataliaeth. Mae pob adroddiad yn cynnwys adolygiad o’r llenyddiaeth sydd, er nad yw’n hollgynhwysol, yn ceisio rhoi trosolwg i’r darllenydd a’u cyfeirio at fwy o wybodaeth i’r rhai sydd angen mwy o fanylion.
Mae’r Siarter ar gyfer Partneriaethau Iechyd Rhyngwladol yng Nghymru, a ddatblygwyd gan Ganolfan Ryngwladol Cydlynu Iechyd (IHCC), Iechyd Cyhoeddus Cymru, yn seiliedig ar hanes Cymru o gyflawni a dysgu yn y maes hwn ac mae’n amlinellu pedair sylfaen partneriaethau iechyd rhyngwladol llwyddiannus. Y llofnodwyr yw sefydliadau iechyd yng Nghymru sydd wedi ymrwymo i’r sylfeini hyn, sy’n gwerthfawrogi ac yn cydnabod y manteision i’n partneriaid dramor yn ogystal â’r buddion i’r GIG a chleifion yng Nghymru.
Lluniwyd y ddogfen ganllaw hon gan Uned Gymorth Asesu Effaith ar Iechyd Cymru ar ran Iechyd Cyhoeddus Cymru i sicrhau bod penderfyniadau sy’n ymwneud â thai ac Asesu Effaith ar Iechyd yn cael eu gwneud ar sail tystiolaeth. Dylid ei darllen ar y cyd ag Asesu Effaith ar Iechyd: Canllaw Ymarferol (Chadderton et al., 2012) sy’n darparu canllawiau a phrofformâu manwl sy’n ymwneud ag Asesu Effaith ar Iechyd.